7

Ek baras…

Ek baras beetne aaya,
Jab tumhare saath khulke hasti thi,
Tumhari baatein sunkar,
Dil se muskurati thi.

Ek baras beetne aaya,
Gungune ehsaas ko mehsoos karti thi,
Jab tum mujhe pukarte the,
Bas tumhari awaaz main sunti thi.

Ek baras beetne aaya,
Tumhare haath se niwale leti thi,
Hamare liye laye gaye,
Har chocolate ke liye ladti thi.

Ek baras beetne aaya,
Tumhari yaad se jude har tukde ko,
Uss ‘box of memories’ mein ja chupe,
Tumhare har ansh ko.

Ek baras beetne aaya,
Aaram se jab jeeti thi,
Jab mere din chain se kat te the,
Tumhare aas paas hi main rehti thi.